Taringot Parnijabu

Ahu, Parnijabu purnama warnet, ima Parulian Bangun H SiahaanKel.besar Siahaan, tubu di 26 september 2009, ehhhe…salah, 1981 maksudhu.

Dihami keluarga siahaan 4 ma hami baua, 4 boru, ahu ma anak siakkangan sian na pitu nai, borat na i tahe manuhuk halahon haduan iboto dohot akka anggi ni iba on ate.
molo oma br simatupang do jai akka anakkon na i, nasida ima na margoar :

Parulian Siahaan (Kawin/Karejo)
Elida Siahaan ( lajang/karejo)
Diana Siahaan (Kawin/Ibu RT) lae i marga manurung ( Monang Manurung )
Indra Siahaan (Lajang/Karejo)
Jubel Siahaan (Lajang/Karejo)
Julita Siahaan (Lajang/Kuliah)
Joshua Siahaan (Lajang/Kuliah)
Mutiara Siahaan (Kawin/Ibu RT) lae i marga sirait

Tabo situtu do di hami na maranggi iboto on, kompak situtu do hami sude, molo akka baua dihami akka naganteng ganteng do, molo boru akka nauli-ulian, alai!, adong alai na, br siahaan on rata2 akka na tirason do, alai tu nadenggan do ate akka dongan.

Molo au sandiri mangalap Br ni raja i, ima br malau, sian sidikkalang, inang simatua, br simbolon, 5 ma halahi na bersaudara, ia na hualap on ima anak si nomor dua. sada ma nuaeng di hami boru, di goari oppung na ma i Purnama, ia sian hami Lia, sian oppung boru sian omak na Maria. jadi purnama lia maria siahaan ma lengkap na. 6 halak ma nuaeng di au bere, baua ma i sude na. jai parbadaan do muse dihalahon borukku si purnama, ai bohama, 6 halahi namarhaha anggi, 1 do paribanna, muse na uli rupa. ( puji on do dah boru ni iba, ai muse ido tohona, bohama bapa na naganteng, omak na nabagak.)

Au najolo i jolma na malas do sikkola, dibahen natua2 i do kuliah alai gabe jea, jadi au tammat holan sian setara ni SMA do, alai nang pe songo ni, dang talu au tu na asing an, buktina, godang do sarjana, alai dang adong blog na, hape au tammat sma nga 3 blog hubahen, ha…ha..ha..bercanda do ate bohh.

Ia nuaeng sahat tu sadari on, rappak do pe hami ajabu dohot natua-tua i, ala so adong si umisik i na laho panggararan tu kontrak ni jabu, na arga2 boh nuaeng sewa ni jabu di toba on, sahat tu langit, ibban na kota berkembang i nuaeng PORSEA, he..he..he…, bercanda ke dua.
Au wiraswasta do akka dongan, usaha marponsel do dohot marwarnet, etek do usaha nami on alai lumayan menarik, unik muse. saotik do pangomoan na hudapot sadari sian usaha on, nbah sae sae tu jabu ma inna hamu akka dongan, lobina boi ma nian marpoya-poya tu kota an, ahhhh….ha…ha…ha…, bercanda ketiga.

Jai tu akka dongan naung mananda ahu, ndang pola ganjang be saritahonon hu taringot au, nga di boto hamu be i kan!, tu akka na somananda dope, ro ma hamu tu facebook asa tapaganjang martaringot ate. ia kontrakan hu di facebook, atas nama parulian siahaan do, patudos hamu ma annon photo na doison dohot na di facebook, lebih ungganteng do au di facebook annon berengon muna.
Hami tinggal di Jl.pararung No.01 patane III, porsea. naholongan rohakku tinggal dialamat on, unang ma nian meret sian on, nang usaha i tong do jonok disi.
jai tu hamu akka dongan, ima jo otik taringot di au, parjabu Gado Gado, dang na dia asa tung hubahen pe on, holan na promosi usaha i do. ikh….ikhhh…ikhhh…bercanda keempat. olat ni imajo bercanda na i.
serius nama jo, horas ma ate di sude lae, ito, among, inong, nang na asing, songon majo parkenalan hu tu hamu, jai songon ni dok ni umpasa ma dohonon, sitiik ma sigoppa, golang-golang pangarahut na, otiiiikkkkkk…so sadia pe na tarsurathon, sude do i satohona,

Gala gala si telluk, telluk mardagul dagul, akka na hurang lobi, nanget ma i di paapul apul.

pauk pauk hudali, tu pago pago tarugi, na tading taulahi, na sega tapauli.

Pir ma tondi madingin, pir ma tondi matogu. emmma …tutu…Horass….

~ oleh lianbangun pada 30 Juli 2009.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

 
%d blogger menyukai ini: